Almatyda órtenip jatqan kópqabatty úıden turǵyndardy evakýatsııalaý qalaı júrip jatyr
Vedomstvonyń baspasóz qyzmeti órttiń 01:10-da oqshaýlanǵanyn málim etti.
«Tilsiz jaýdy aýyzdyqtaýǵa 70-ten astam qyzmetker men 18 tehnıka jumyldyrylǵan. Evakýatsııa júrip jatyr. Sol jerde turǵan jeke kólikterdiń kóp bolýy órt sóndirý tehnıkasyna kedergi bolǵanyna qaramastan, órt baspaldaqtary qoıyldy, adamdardy qutqarý jáne evakýatsııalaý úshin AKTP-54 avtomatty teleskoptyq topsaly kótergish paıdalanyldy», - dep habarlady vedomstvodan.
Oqıǵa ornynda jedel shtab qurylyp, gaz-tútinnen qorǵaý qyzmetiniń bólimsheleri shyǵys jáne batys jaǵynda ornalastyryldy. «Qazirgi ýaqytta 120-dan astam adam evakýatsııalandy, 20 adam qutqaryldy, órt sóndirý stvoldary engizildi, gıdranttarǵa tsısternalar ornatyldy», - dep qorytyndylady Almaty qalasy Tótenshe jaǵdaılar departamentiniń baspasóz qyzmeti.
Esterińizge sala keteıik, 11 jeltoqsanda saǵat 23:58-de Almaty qalasynyń Tótenshe jaǵdaılar departamentiniń kúshteri men tehnıkasy shuǵyl shaqyrtý boıynsha Almaly aýdany, Brýsılov kóshesi, 167 úıdegi órtti sóndirýge attanǵan bolatyn. Olar kelgen sátte, «Altyn bulaq-2» turǵyn úı kesheniniń 6-7 qabatyndaǵy eki blok, sondaı-aq 17-18-shi qabat janyp jatqan edi.