Almatyda Ortalyq Azııa saýda forýmy ótip jatyr
«Qazaqstannyń Ortalyq Azııa aımaǵynda kórshiles eldermen aradaǵy saýdalyq baılanysy eldiń jalpy saýda aınalymynyń bes paıyzyn quraıdy. Solardyń ishinde Ózbekstanmen aradaǵy saýda aınalymy - 2,1 mlrd. dollardy, al Qyrǵyzstanmen aradaǵy saýda aınalymy - 1 mlrd. dollardy quraıdy. Qalǵan kórshiles eldermen aradaǵy saýda aınalymy budan tómenirek. Ótken ǵasyrdyń toqsanynshy jyldarynan beri Ortalyq Azııa elderi arasynda erkin saýda aımaqtary jumys istep keledi», - dedi óziniń alǵy sózinde QR Ekonomıkalyq ıntegratsııa isteri jónindegi mınıstri Janar Aıtjanova.
Sonymen qatar ol kórshi eldermen saýda-ekonomıkalyq baılanystardy damytýda birqatar kedergilerdiń bar ekendigin jetkizdi.
«Solardyń biri- janama salyqtar. ıAǵnı, bul jerde ımporttyq taýarlarǵa qatysty joǵary aktsızdik mólsherlemeler nemese qosylǵan qun salyqtary qoldanylady. Sonymen qatar, otandyq taýarlarmen salystyrǵanda sanıtarlyq jáne qaýipsizdik normalary boıynsha tym joǵary tehıkalyq talaptar qoıylady. Importtyq taýarlardy lıtsenzııalaý men kedendik rásimdeýdiń kúrdeli júıeleri de saýda-sattyqqa eleýli kedergi keltiredi. Degenmen, Qazaqstannyń Dúnıejúzilik saýda uıymyna enýi jáne osyǵan baılanysty 2016 jyldyń 1-shi qańtarynan bastap, ózine tıesili mindettemelerin oryndaıtyndyǵy - elimizdiń syrtqy saýdasyn ári qaraı yryqtandyrýǵa jáne kórshi eldermen aradaǵy saýdany barynsha tereńdetýge múmkindik beredi», - dedi J. Aıtjanova.
Aıta ketelik, eki kúnge sozylatyn forým barysynda arnaıy sheberlik synypary, dóńgelek ústelder uıymdastyrylady.
Sondaı-aq, búgin forým aıasynda Ortalyq Azııa elderinde óndiriletin taýarlar boıynsha kórme ashyldy.