Almatyda Ortalyq Azııa qolóner sheberleriniń kórmesi ashyldy

ALMATY. QazAqparat - Almatydan Ortalyq Azııa qolóner sheberleriniń «Qyzǵaldaqtar gúldegende» dástúrli kórme-jármeńkesi bastaldy, dep habarlaıdy QazAqparat tilshisi.

Almatyda naýryzdyń 3-4 kúnderi QR Memlekettik ortalyq mýzeıi «Baqyt» sán-qoldanbaly óner ortalyǵy men birlesip qolóner sheberleriniń kórme-jármekeńesin uıymdastyryp otyr. Kórme 8 naýryz halyqaralyq áıelder merekesi taqyrybynda uıymdastyrylǵan. Sharaǵa Qazaqstannyń barlyq óńirinen jáne Qyrǵyz eli, Tájikstan, Túrkimenstan, Ózbekstan, Reseı, Grýzııa, Mońǵolııadan 100-den astam sheber óz týyndylaryn alyp kelgen. 

 

«Kóktemgi merekeniń belgisi - qyzǵaldaqtar. 8 naýryz jaqyndap qaldy. Kóktemniń osy bir shýaqty merekesi arqyly biz qyz-kelinshekterge meıirim men shattyq tartý etemiz», - dedi «Baqyt» sán-qoldanbaly óner ortalyǵynyń qyzmetkeri Kúnsulý Ábdiqarip.

 

Jármeńkede kádesyı, kıizden, jibekten jasalǵan buıymdar, kilemder men zergerlik áshekeıler, qysh ydystar qoıylǵan.

 

Kádesyılardyń quny 20 dollardan bastalyp, 1000 dollarǵa deıin bar.