Almatyda órt sóndirýshiler ant qabyldady

ALMATY. QazAqparat - Almatyda órt sóndirýshi-qutqarýshylar qyzmetine jańadan qabyldanǵandar ant qabyldady, dep habarlaıdy QazAqparat tilshisi.

Əskerı qyzmetke jańadan alynǵandardyń ant qabyldaý rəsimi qalanyń nómiri № 5 órt sóndirý bóliminiń aldynda ótti.

Tótenshe jaǵdaılar departamenti ókilderiniń aıtýynsha, Ant qabyldaıtyn alańnyń tańdalýynda úlken mən jatyr. Dəl osy jerde qyzmettik mindetin oryndaý kezinde qurban bolǵan órt sóndirýshilerge eskertkish qoıylǵan.

Bıyl Almaty garnızonynyń 55 jas qyzmetkeri ant qabyldady. Memlekettiń ıgiligi úshin əskerı boryshyn adal óteýge úndeıtin Ant mətinin maqtanyshpen oqyp, olardyń jaýapkershilikti sezingeni baıqalyp turdy.

TJD ardagerler keńesi tóraǵasy Amantaı Malǵojdarov ardagerler atynan sóz aldy. «Ant - Otan aldyndaǵy adal sóz. Pogonnan bólek ıyqtaǵy úlken júk, Otanǵa qurmetti mindet tur»,-dedi Amantaı Malǵojdarov.

Dəstúrli merekelik shara sońy saptyq sherýge ulasyp, eskertkishke gúl shoqtary qoıyldy.