Almatyda órt sóndirýshi mototsıklder jobasy qaıta iske qosyldy

ALMATY. QazAqparat - Almaty tótenshe jaǵdaılar departamenti úsh jyldan beri kólik keptelisine bógelmeıtin órt sóndirýshi mototsıkl ekıpajdaryn synap keledi, dep habarlaıdy QazAqparat Almaty qalalyq TJD baspasóz qyzmetiniń Telegram-arnasyna silteme jasap.

Bıyl garnızon quramynda qalany órtten qorǵaıtyn mototsıklderdiń sany 6-ǵa jetti.

Olar 144 ret attanyp, 2 adamnyń ómirin saqtap qaldy ári 68 ret órt sóndirdi.

Olardyń mindeti - oqıǵa ornyna jyldam jetip, ıyǵyna asynǵan órt sóndirgish quraldarynyń kómegimen órtti laýlap janbaı jatyp sóndirý. Avtokólikterdiń nemese páterlerdiń esigin ashýǵa qajetti gıdravlıkalyq aspaby da bar.

Mototsıklder qala ákimdiginiń qoldaýymen satyp alyndy. Osy jobanyń tıimdiligi eskerilip, ekıpaj sany birte-birte artyp keledi.

Foto: www.almaty.gov.kz