Almatyda «omıkron» shtamyna baılanysty lokdaýn engizile me

ALMATY. QazAqparat – Almatyda koronavırýstyń «omıkron» shtamyna baılanysty lokdaýn engizile me? Bul suraqqa brıfıng barysynda Almatynyń bas sanıtar dárigeri Jandarbek Bekshın jaýap berdi, dep habarlaıdy QazAqparat tilshisi.

«Almatyda «omıkron» shtamy tirkelgen joq. Sondyqtan bul másele ázirge talqylanbaıdy. Almatyda qazir lokdaýn engizýge eshqandaı sebep joq. Sebebi, qala «jasyl» aımaqta. Aýrýshańdyq kóp tirkelip, qalamyz «qoıý qyzyl» aımaqqa ótse ǵana bul másele talqylanatyn bolady», – dep jaýap berdi Jandarbek Bekshın.

Almaty qalalyq Qoǵamdyq densaýlyq saqtaý basqarmasynyń málimetinshe, qalada 9 jeltoqsan kúni 55 adamnan vırýs anyqtaldy.

Aýrýhanada barlyǵy 225 adam, onyń ishinde (tórt bala) emdelip jatyr.

Almatyda epıdemıologııalyq jaǵdaı turaqty.