Almatyda Olımpıadanyń qola júldegerine avtokólik syıǵa tartyldy

ALMATY. QazAqparat – Olımpıadada erkin kúresten qola júldeni jeńip alǵan Nurıslam Sanaevqa jańa avtokólik syıǵa tartyldy, dep habarlaıdy QazAqparat tilshisi.

Oǵan BMW markaly kóliginiń kilti Almaty áýejaıynda tabystaldy. Sportshyny jaqyndary, tanystary jáne dostary qarsy aldy. Sonymen qatar, búgin elimizge Tokıodaǵy Olımpıada oıyndarynda synǵa túsken qazaqstandyq ózge de sportshylar oraldy.

Buǵan deıin Nurıslam Sanaev Olımpıada oıyndarynda qola júldeni alǵannan keıin óziniń pikirin bildirgen edi.

Eske sala keteıik , 5 tamyzda Tokıo Olımpıadasynda erkin kúresten 57 kelige deıingi salmaqta qola medal úshin kezdesýler ótti.

Ol bolgarııalyq Georgıı Vangelovti 5:1 esebimen utqan bolatyn.