Almatyda oqýshylardy tegin ystyq tamaqpen qamtýǵa 20,4 mlrd teńge bólindi

ALMATY. QazAqparat - Almatyda ekinshi jyl qatarynan qala ákimdigi mektepterdiń 1-4 synyp oqýshylary men halyqtyń áleýmettik osal top otbasynan shyqqan balalardy tegin tamaqtandyrý jobasyn iske asyrýda, dep habarlaıdy QazAqparat tilshisi.

«Tegin tamaqpen jalpy qamtý 133 myńnan astam oqýshyny quraıdy (nemese orta bilim berý uıymdarynyń jalpy kontıngentiniń 45,3%). Jalpy 2023 jylǵa oqýshylardy tamaqtandyrýǵa 20,4 mlrd teńge qarastyryldy. Bir kúndik tamaqtanýdyń quny – 800 teńge»,- dep túsindirdi óńirlik kommýnıkatsııalar qyzmetinde ótken baspasóz máslıhatynda qalalyq bilim basqarmasynyń basshysy Lázzat Jylqybaeva.

Taǵy bir iri joba - Keshendi qaýipsizdik júıesin engizý.

«Bıyl jyl sońyna deıin barlyq 214 memlekettik mektepte polıtsııanyń jedel basqarý ortalyqtarymen ıntegratsııalanatyn «dabyl túımelerimen», ótkizý júıesimen (týrnıketter), órt qaýipsizdigi júıesimen, beınebaqylaý kameralarymen jabdyqtalǵan Keshendi qaýipsizdik júıesi engiziletin bolady. Bul joba jalpy quny 4,9 mlrd teńge bolatyn úsh jyldyq servıstik model sheńberinde qarjylandyrylady», - dedi ol.