Almatyda oqýshylardy tegin tamaqpen qamtamasyz etý 40 paıyzǵa ósti

ALMATY. QazAqparat- Bıyl oqý jylynda Almaty qalasynda oqýshylardy tegin tamaqpen qamtamasyz etý 40%-ǵa artty. Bul týraly qalalyq Bilim basqarmasy málim etti, dep habarlaıdy QazAqparat tilshisi.

Basqarma taratqan málimetke sáıkes, byltyr 19 myń oqýshy nemese oqýshylardyń 7% tegin tamaqpen qamtamasyz etilse, bıyl shamamen 133 myń bala (45,3%) qamtyldy. Osylaısha, barlyq bastaýysh synyp oqýshysynyń tegin tamaqpen 100% qamtylýyn qosqanda oqýshylardy tegin tamaqpen qamtý 38,3%-ǵa ósti. «Sapaly bilim berýdiń mańyzdy sharty – oqýshylardy sapaly azyqpen qamtamasyz etý. Sondyqtan otbasylardy memlekettik qoldaýǵa erekshe kóńil bólinedi. Biryńǵaı standarttarǵa sáıkes, 4 aptalyq tegin tamaqtaný máziri bekitildi. Ol bilim basqarmasynyń jáne bilim berý uıymdarynyń saıtynda jazylǵan. Qazir barlyq bilim berý uıymynda tamaqtaný sapasyna kúndelikti monıtorıng júrgizetin komıssııa bar. Quramyna medıtsına qyzmetkerleri, mektep ákimshiligi jáne ata-analar qaýymynyń ókilderi kiredi. Tamaqtanýdy uıymdastyrýǵa bilim berý uıymynyń basshysy derbes jaýapty ekenin atap ótemin. Biz ár oqýshynyń sapaly tamaqtanýyn qamtamasyz etýdi jalǵastyramyz», - dedi Almaty qalasy bilim basqarmasynyń basshysy Lázzat Jylqybaeva.

Onyń aıtýynsha, qazir 1-4 synyp oqýshylary jáne áleýmettik qorǵalmaǵan jáne az qamtylǵan otbasylardan shyqqan 5-11 synyp oqýshylary 100%-y tegin tamaqpen qamtamasyz etildi. «Qala mektepterinde tamaqtaný sapasyn arttyrý úshin ashanalar tsıfrlandyrylady. Bul qolma-qol aqshasyz esep aıyrysý boıynsha pılottyq jobalar, tegin tamaqtanýdy elektrondyq tabeldeý de qolǵa alyndy. Bul baǵyttaǵy jumys jalǵasady»,- dedi ol. Esterińizge salaıyq, 1-4 synyp oqýshylaryn tegin tamaqpen qamtamasyz etý boıynsha alǵashqy pılottyq joba el kóleminde alǵash ret bıylǵy oqý jylynyń 1 qyrkúıeginde Almaty qalasynda bastaldy.

Buǵan deıin áleýmettik osal otbasylardan shyqqan bilim alýshylar ǵana tegin tamaqpen qamtamasyz etiletin.