Almatyda oqýshy qashyp ketken ınternattyń dırektory qyzmetinen bosatyldy

ALMATY. QazAqparat - Almatyda jasóspirim oqýshy qashyp ketken mektep-ınternattyń dırektory laýazymynan bosatyldy, dep habarlaıdy QazAqparat tilshisi.

«Kózi nashar kóretin jáne zaǵıp balalarǵa arnalǵan № 4 Ostrovskıı atyndaǵy korrektsııalyq mektep-ınternattyń dırektory R.B.Nurahmetov laýazymynan bosatyldy», - dedi qalalyq bilim basqarmasynyń baspasóz qyzmetinen.

Aıta keteıik, 15 jastaǵy jasóspirim Damır Serikuly 12 jeltoqsanda atalǵan oqý ornynan qashyp ketken bolatyn. Keter aldynda ol anasyna mekteptegi synyptastarymen til tabysa almaı júrgenin aıtyp shaǵymdanǵan.

Keıin oqýshy ápkesiniń úıinde júrgen jerinen tabyldy.