Almatyda oqý jyly bastalǵaly 615 bala koronavırýs juqtyrdy

ALMATY. QazAqparat- Almatyda oqý jyly bastalǵaly 615 oqýshy koronavırýs juqtyrdy. Bul týraly Almaty qalalyq bilim basqarmasy basshysynyń orynbasary Qaırat Jumanov onlaın brıfıng barysynda málim etti, dep habarlaıdy QazAqparat tilshisi.

Onyń aıtýynsha, Almatyda 282 bilim berý ordasynda 303 myńnan astam oqýshy bilim alyp jatyr. Jańa oqý jylynda mektepter qatań karantın sharalary boıynsha oqýshylardy qabyldaýda. Degenmen, oqýshylar arasynda koronavırýsty juqtyrý jaǵdaılary kezdesip otyr.

«Sabaq bastalmas buryn oqýshylar mektepte maska taǵyp, karantın sharasy qatań bolatyny ata-analarǵa eskertildi. Sondaı-aq ár synypqa jeke bólme berildi. Onyń ústine, bastaýysh synyptar bólek esikten kiretindeı etip jasadyq. Oqýshylardyń barlyǵy bul shekteýlerge beıimdelip, úırenip qaldy. Degenmen, sabaq bastalǵaly 615 balanyń vırýs juqtyrǵany anyqtaldy, olardyń 314-i jazylyp, sabaqqa qaıta oraldy. 311 oqýshy onlaın formatta oqyp jatyr», - dedi ol.

Sondaı-aq ol oqýshylar men muǵalimderdiń qaýipsizdigi aldyńǵy orynda ekenin, sondyqtan mekteptegi shekteý sharalary saqtalatynyn jetkizdi.