Almatyda Nursultan Nazarbaevtyń sózderine jazylǵan ánder shyrqalǵan kontsert ótti

ALMATY. 27 qarasha. QazAqparat - Búgin Almatyda QR Bilim jáne ǵylym mınıstrligi Ǵylym komıtetiniń «Ǵylym ordasy» RMK-de QR Tuńǵysh Prezıdenti kúnine arnalǵan saltanatty shara bolyp ótti.

Shara aýqymynda Memleket basshysy Nursultan Nazarbaev mátin avtory bolyp tabylatyn ánderdi QR halyq ártisi Sara Tynyshtyǵulova oryndaǵan kontsert ótti. Sondaı-aq Memleket basshysy súıip tyńdaıtyn ánderdi Qurmanǵazy atyndaǵy memlekettik konservatorııanyń dotsenti, QR eńbek sińirgen mádenıet qaıratkeri Ersaıyn Basyǵara oryndady.

Budan basqa  Qazaqstan Prezıdentiniń balalyq jáne jastyq shaǵy týraly onyń ádebı shyǵarmalarynyń negizinde túsirilgen rejısser Rústem Ábdirashevtiń «Balalyq shaǵymnyń aspany» kórkem fılmi kórsetilip, QR Tuńǵysh Prezıdenti kúnine arnalǵan kitap kórmesi boldy.