Almatyda Nur Otan fılıalynda bıznes ókilderine keńes berildi
«Biz jastardyń «Bıznestiń jol kartasy-2025» baǵdarlamasy boıynsha bilimin kóterý jáne damytý úshin bas qosyp otyrmyz. Olar atalǵan baǵdarlama aıasynda qandaı memlekettik kómekke qol jetkize alady? Qandaı múmkindikti paıdalanǵan jón? Sony bilýi kerek. Jastardyń oıyn bilý úshin aıyna bir ret osylaı jınalyp turamyz. Ár jyl saıyn olardyń óskeni, bilimderiniń keńeıgenin kórip, kóńil qýanady. Olar óndiriske orta, joǵary bilimmen keledi. Biz - bıznes qaýymdastyǵy olardyń bilimin tehnıkalyq turǵydan arttyramyz», - dedi «Vagonservıs» AQ bas ınjeneri Sadýaqas Ospanov.
Nur Otan partııasy Jetisý aýdandyq fılıaly tóraǵasynyń birinshi orynbasary Murat Omarov jaqynda Nur-Sultan qalasynda partııanyń kezekten tys sezi ótkenin, ol jerde QR prezıdenttigine partııa kandıdaty usynylǵanyn aıtyp ótti.
«Negizgi maqsatymyz - Elbasynyń dara jolyn jalǵastyrý. Sonymen qatar, 2050 jylǵa deıin básekege qabiletti otyz eldiń qataryna kirýdi kózdep otyrmyz. Bul - bizdiń birligimiz, turaqtylyǵymyz»,-dedi ol.
Sonymen qatar ol búgingi is-sharanyń bir bóligi kásipkerlikti qoldaýǵa arnalǵanyn da jetkizdi.
«Atalmysh sezde Elbasynyń qatysýymen ult jospary qabyldandy. Partııanyń jańadan taǵy tórt baǵdarlamasy iske asyrylyp jatyr. Bul - «Baqytty otbasy», «Halyqqa kómek», «Aýyl el besigi» jáne «Qutty meken» baǵdarlamalary. Búgingi jıynymyz «Halyqqa kómek» partııalyq jobasy aıasynda ótip otyr. ıAǵnı, halyqqa qalaı kómek beremiz degen másele tóńireginde jınalyp otyrmyz. 2007 jyldan beri ár bastaýysh partııa uıymynda qoǵamdyq qabyldaý júrgizilip keledi, tipti ár mekemede bar. Ár mekeme óz jumysshylarynyń sharýasyn sheship, kelgen ótinish-aryzyn qabyldap jatyr. Biraq sol qoǵamdyq qabyldaýdyń sapasyna kóńil bólý kerek. Óıtkeni úsh aıdyń ishinde partııaǵa 500-den astam ótinish-aryz tústi. Degenmen, Nur Otan partııasynyń bedeldi depýtattarynyń, saıası bıýronyń jáne mekeme basshylarynyń arqasynda osy ótinishterdiń 70 paıyzy oń sheshimin tapty. Bul da - úlken kórsetkish. Halyq aıaǵyn tozdyryp, neshe jyldan beri sheshe almaǵan máselesin osy partııa arqyly sheship jatyr. Osy kómektiń sapasyn áli de kóterýimiz kerek. Sonymen qatar, osyndaı ótinishter bolmaýy úshin jumys isteýimiz kerek. Eger árbir mekeme durys qabyldaý júrgizip, máseleni oń sheshse, halyq aryzdanbaıdy»,- dedi ol.