Almatyda nemerelerimen parkıngte turyp jatqan keıýanaǵa kómek kórsetildi

ALMATY. QazAqparat –Almaty polıtsııasy tórt kishkentaı nemeresi jáne múgedek qyzymen birge parkıngte turǵan ájeıge kómektesti, dep habarlaıdy QazAqparat tilshisi.

Almaty polıtsııasynyń málimetinshe, múgedek qyzy jáne tórt nemeresi bar keıýana parkıngte qystap shyqqan.Nemeresiniń eń kishkentaıy toǵyz aılyq.

«Teledıdardan ájeı men balalardy kórip, júregim aýyryp ketti. Jeke ózim kórgenimdi kóńilimnen uzaq ýaqytqa shyǵara almadym. Bul oqıǵa áriptesterimdi de beıjaı qaldyrmady. Biz biraýyzdan zeınetkerge kómektesýge sheshim qabyldadyq. Ony izdep taptyq. Jergilikti atqarýshy organdar áıelge baspana alýǵa kómekteskeni belgili boldy. Jeke qurammen birge jınaǵan qarajatymyzdy Darıǵa apaıdyń qolyna tapsyrdyq. Nemerelerine táttiler aldyq. Kishkentaıǵa hodýnok ákeldik», – dedi Áýezov aýdandyq polıtsııa basqarmasynyń basshysy Álisher Tursynbetov.

Zeınetker Darıǵa Qasymova tártip saqshylaryna kóńil bólip, materıaldyq kómek kórsetkeni úshin alǵysyn bildirip, olarǵa densaýlyq, sondaı-aq qaladaǵy qylmys jáne tártippen kúreste kúsh-qýat tiledi.

«Biz áli de bul otbasyna kelip turatyn bolamyz jáne múmkindigimizshe olarǵa kómektesemiz», – dedi polıtseıler.