Almatyda Naýryzbaı aýdanynyń turǵyndaryna aýyz sý avtotsısternalarmen jetkizilýde

ALMATY. QazAqparat - Almaty qalasynyń Naýryzbaı aýdanynda negizgi sýmen qamtamasyz etý kózderindegi sýdyń joǵary deńgeıde laılanýyna baılanysty, Qaraǵaıly men Aqsaı ózenderinen sý tartý jáne Aqjar, Taýjoly, Quramys, Qaraǵaıly, Tastybulaq shaǵyn aýdandaryna jáne jartylaı Taýsamaly shaǵyn aýdanyna (Jandosov kóshesiniń joǵarǵy jaǵy) sý berý jumysy ýaqytsha toqtatyldy. Sol sebepten, qazirgi tańda Naýryzbaı aýdanynyń turǵyndaryna aýyz sý avtotsısternalardyń kómegimen jetkizilip jatyr, - dep habarlaıdy «Almaty Sý Holdıngi» MKK baspasóz qyzmeti.

Qazirgi kezde Qaraǵaıly men Aqsaı ózenderindegi sý quramynda sazdy qospalardyń deńgeıi óte joǵary bolyp tur. Sondyqtan qazir ondaǵy sý tazartqysh qurylymdar sýdy laıyqty deńgeıde tazartýdy qamtamasyz ete alar emes. 

Qazir sý tasýshy avtokólikter myna baǵyttar boıynsha júredi:

Taýsamaly shaǵyn aýdany:

Imanov, Seıdilda, Bektembaı, Rysqulov, Qajymuqan, Seıfýllın, Qarasaı batyr kósheleri, «Geolog» saıajaılyq qoǵamy, «Ardager-5» saıajaı qoǵamy arqyly,

Quramys shaǵyn aýdany:

Sátbaev, Alataý, Momyshuly, Aımanov, Baıseıitova, Qaldaıaqov kósheleri,

Aqjar shaǵyn aýdany boıynsha:

Bekeshev, Aqbulaq, Dáýletkereı, Aımanov, Noǵaıbaev, Jabaev, Músirepov, Tarasov, «Aqsaı» balalar aýrýhanasy

Taýjoly shaǵyn aýdany boıynsha:

Taýjoly dúkeni mańy, Edelveıs saıajaı qoǵamyna burylatyn jer, Naýryz kóshesi,

Qaraǵaıly shaǵyn aýdany boıynsha:

№14 baǵyttaǵy avtobýstyń sońǵy aıaldamasy, Baıterek meıramhanasy, Aqqaıyń, Alataý, TaýChapaı dúkenderiniń mańy, Aqbastaý sport kesheni, №192-shi mektep, meshit (Nádirov kóshesi)

jáne Dostyq-Jumabaev, Tájıeva-Almaly, Seıfýllın-Ushyrbaqıev, Begaıyn-Aral, Aqyn-Almaly kósheleriniń qıylysy arqyly júredi.

Qaraǵaıly men Aqsaı ózenderinde sýdyń bulyńǵyrlyq deńgeıi turaqtanǵan soń, ortalyqtandyrylǵan sýmen jabdyqtaý júıesi qaıta iske qosylady. 

Aıta ketelik, qazirgi tańda qallalyq bıýdjet qarjysy esebinen sý júrgizetin jeliler men ǵımarattardy, solardyń ishinde Qaraǵaıly men Aqsaı ózenderindegi sýtazartqysh qurylymdardy qaıta qalpyna keltirý jáne jańalaryn salý boıynsha joba-smetalyq qujattama ázirlenip jatyr.