Almatyda naýqastardyń «qaltasyn qaǵýǵa» úndegen bas dárigerdiń ornyna basqa basshy taǵaıyndaldy

ALMATY. QazAqparat - Almatyda naýqastardy «qaltasyn qaǵýǵa» úıretip, áleýmettik jeliler arqyly tanymal bolǵan №7 qalalyq klınıkalyq aýrýhananyń bas dárigeri Ánýar Amanovtyń ornyna jańa basshy taǵaıyndaldy, dep habarlaıdy, «QazAqparat» tilshisi Densaýlyq saqtaý basqarmasyna silteme jasaı otyryp.

«2017 jyldyń 1 aqpanynda №7 qalalyq klınkalyq aýrýhananyń bas dárigeri bolyp, Marat Shadybaıuly Abdýllaev taǵaıyndaldy», delingen habarlamada.

M.Abdýllaevtyń densaýlyq saqtaý salasyndaǵy eńbek ótili 36 jyl. 2005-2007 jyldary Qyzyl-Orda oblysy Densaýlyq saqtaý basqarma basshysy qyzmetin atqarǵan.

Al Abdýllaevtyń ornyna, ıaǵnı Ortalyq qalalyq klınıkalyq aýrýhanasyna Nurlan Bostybaıuly Týrdalın taǵaıyndaldy.

Eske sala keteıik, Almaty qalasy Densaýlyq saqtaý basqarmasynyń buıryǵymen №7 qalalyq klınıkalyq aýrýhanasynyń bas dárigeri A.Amanov qyzmetinen bosatyldy. Ol medıtsına qyzmetkerleriniń atyna kir keltirip, etıkalyq normalardy buzǵan.