Almatyda myńǵa jýyq sheteldik kóshi-qon zańnamasyn buzǵan

ALMATY. QazAqparat - 10-17 naýryz aralyǵynda Almatyda zańsyz júrgen azamattardy anyqtaý jáne qalada krımınogendik jaǵdaıdy jaqsartý maqsatynda «Mıgrant» respýblıkalyq jedel-aldyn alý is-sharasy ótýde, dep habarlaıdy QazAqparat tilshisi.

Іs-sharanyń tórt kúninde QR kóshi-qon zańnamasyn buzǵan 1 263 adam anyqtaldy jáne ákimshilik jaýapkershilikke tartyldy.

«Qazaqstan Respýblıkasy aýmaǵynan 101 sheteldik, onyń ishinde jeti adam azamattyq sot isin júrgizý arqyly elden shyǵaryldy. Qazaqstan Respýblıkasynda bolý erejelerin buzǵany úshin 951 sheteldik ákimshilik, sheteldikterdiń Qazaqstan Respýblıkasynda bolýynyń zańdylyǵyn qamtamasyz etý sharalaryn qoldanbaǵany úshin 282 qabyldaýshy tarap jaýapkershilikke tartyldy. Qazaqstan Respýblıkasyna sheteldik jumys kúshin tartý erejelerin buzǵan 30 jumys berýshi de jazalandy. Sonymen qatar, zańsyz kóshi-qon arnasyn uıymdastyrýdyń 6 deregi anyqtaldy jáne tirkeldi», – dedi Almaty qalalyq polıtsııa departamentiniń Kóshi-qon qyzmeti basqarmasynyń bastyǵy Ashat Býtýnchınov.

Quqyq buzýshylardyń arasynda qolyna emizýli sábıin ustap, bazarda qaıyrshylyqpen aınalysqan 26 jastaǵy Ózbekstan azamatshasy da bar.

Sondaı-aq, 2017 jyldan beri Qazaqstan Respýblıkasynyń aýmaǵynda jeke basyn kýálandyratyn qujatsyz jáne turaqty turǵylyqty jeri joq bolyp júrgen 50 jastaǵy Ózbekstan azamatyna qatysty ákimshilik shara qoldanyldy. Sot sheshimimen ol el aýmaǵynan shyǵaryldy.