Almatyda múlik salyǵyn tólemegender tizimi BAQ-ta jarııalanady
09:28, 23 Qyrkúıek 2019
ALMATY. QazAqparat- Almatyda 1 qazannan bastap múlik salyǵyn tólemegen adamdardyń tizimi buqaralyq aqparat quraldarynda jarııalanady, dep habarlaıdy QazAqparat tilshisi.
Almaty qalasy Medeý aýdany boıynsha Memlekettik kirister departamenti 2019 jyldyń 1 qazanynda jeke tulǵalardyń múlik salyǵy men jer salyǵyn (múlik salyǵy) tóleý merzimi aıaqtalatynyn habarlaıdy.
Eń aldymen, 50 myń teńgeden astam salyǵyn tólemegen adamdardyń tizimi, keıin 20 myń teńgeden asatyn salyq bereshegi barlardyń aty-jóni jarııalanady.
«Salyq zańnamasyna sáıkes, salyq organdary buqaralyq aqparat quraldarynda salyq bereshegi bar adamdardyń tizimin jarııalaıdy. Bul jaǵdaıda tizimderde tegi, aty, ákesiniń aty jáne salyq qaryzynyń jalpy somasy kórsetiledi. Aıta ketý kerek, bul tizimge Qazaqstannyń tanymal tulǵalary engen», - dep habarlaıdy Memlekettik kirister departamenti.