Almatyda múlik ıeleri birlestiginiń sany 700-ge jýyqtady

ALMATY. QazAqparat - Almatyda qazirgi tańda 600-den astam múlik ıeleriniń birlestigi (MIB) qurylǵan, dep habarlaıdy QazAqparat tilshisi.

Qalalyq turǵyn úı saıasaty basqarmasy bergen resmı aqparatqa sáıkes, búgingi tańda 671 jyljymaıtyn múlik ıeleriniń birlestigi (MIB) tirkelip, 2 757 jaı seriktestik (JS) tańdaldy.

Jıyny 3621 kóppáterli turǵyn úıdi (KTÚ) qamtıtyn 3 428 basqarýdyń jańa nysany quryldy.

Ákimdikte bul baǵyttaǵy jumystarda turǵyndar tarapynan belsendilik az ekenin atap ótti.

Sondyqtan turǵyn úı saıasaty basqarmasynda birqatar túsindirý jumystary júrgizilýde.

«2021 jyldyń basynan beri 2800 KTÚ qamtylǵan 950 kezdesý ótkizildi, koll-ortalyq jumys isteıdi, brıfıngter, sondaı-aq BAQ ókilderimen kezdesýler ótti. Basqarýdyń jańa formasyn tańdaý boıynsha is-áreketter algorıtminiń broshıýralary men beınematerıaldary bar», - dep málim etti ákimdikten.