Almatyda mýltımedııalyq murajaı ashyldy
QR Tuńǵysh Prezıdenti kúni qarsańynda «Nur Otan» partııasynyń Almaty qalalyq fılıalynda «Nur Otan» partııasynyń alǵashqy mýltmedııalyq murajaıyn ashyldy.
Murajaıdan «Nur Otan» partııasynyń qurylýy men qalyptasý tarıhyn, partııanyń mańyzdy qujattaryn, sonymen qatar partııa tóraǵasyna tıesili professor mantııasyn, kitaptardy, partııa bıletterin jáne basqa da zattardy kórýge bolady.
Aıta keteıik, kórmeniń ereksheligi, ınteraktıvti paneldiń (multi-touch-screen) dástúrli murajaı sórelerin almastyrǵanynda. LED-ekrannan 10 gıgabaıtty aqparatty tsıfrly ekspozıtsııa túrinde kórýge bolady.
«Murajaıdy ashýdaǵy basty maqsat tarıhı ári mádenı, qoǵamdyq- saıası aqparatty jınaqtalǵan tarıhı qujattar negizinde zertteý jáne nasıhattaý», - deıdi uıymdastyrýshylar.
«Qazaqstan Respýblıkasynyń Tuńǵysh Prezıdenti Nursultan Nazarbaevtyń esimimen biz Táýelsizdikti, elimizdiń áleýmettik- ekonomıkalyq damý jetistikterin, Qazaqstannyń halyqaralyq arenadaǵy bedelin baılanystyramyz. Biz partııa kóshbasshysy N. Nazarbaevqa tirek bolýǵa jáne Qazaqstannyń ıgili jolynda birge jumys isteýge tıispiz!», - dedi jańa partııa múshelerine Almaty ákimi Baýyrjan Baıbek.
Qala ákimi Almaty qalasynyń táýelsizdik jyldary qoljetken jetistikteriniń bári Memleket basshysynyń esimimen tikeleı baılanysty ekenin aıtty.
Saltanatty sharada «Tamasha» teatrynyń kórkemdik jetekshisi Asylbek Boranbaı, radıojúrgizýshi Dıana Snegına, №140 mektep-gımnazııanyń muǵalimi, jyl muǵalimi Gúlbaný Ábjanova, reprodýktıvti medıtsına Instıtýty bas dárigeriniń orynbasary Lazat Aıtqojına,«ABM GROUP» JShS basqarmasynyń tóraǵasy Azamat Moldaqasymov, GoSport negizin qalaýshy, «Khan Consulting»JShS-tiń bas dırektory Ánýar Manabaev jáne «Tradıtsıı naroda Semırechıa» qoǵamdyq birlestiginiń prezıdenti Semen Shıhotovqa partııa bıletteri tabys etildi.
Aıta keteıik, «Nur Otan» partııasynyń Almaty qalalyq fılıalynda 90 myń adamdy biriktirip otyrǵan 750 bastaýysh partııa uıymy bar.