Almatyda múgedek áıelderdiń quqyqtary men múddeleri talqylandy

ALMATY. QazAqparat - Almatyda «BUU turaqty damý baǵdarlamasy kún tártibinde múgedektigi bar áıelderdiń quqyqtary men múddelerin eskerý: Ortalyq Azııa elderiniń tájirıbesi men bolashaǵy» atty halyqaralyq konferentsııa bastaldy, dep habarlaıdy QAzqparat.

Mańyzdy sharany Almaty ákimdiginiń qoldaýymen «Shyraq» múgedek áıelder birlestigi ótkizýde. Májilis 2 kúnge sozylady. Tamyzdyń 13 men 14 aralyǵynda genderlik teńdik, teńsizdiktiń azaıýy, medıtsınalyq taýarlarǵa qoljetimdilik, jahandyq, aımaqtyq jáne jergilikti deńgeıdegi seriktestiktiń damýy, sondaı-aq, ádilettilik qoljetilimdik, sapaly densaýlyq saqtaý, ınklıýzıvti bilim berý men jumyspen qamtý máseleleri qaralady.

«Múmkindigi shekteýli adam qoǵam nazarynda bolýy kerek. Qazaqstan BUU Bas assambleıasynyń múshesi retinde barlyq halyqaralyq mindettemelerge, konferentsııalarǵa jáne marapattarǵa qosyldy jáne múgedek jandardyń ómirin jaqsartý mindetterin qabyldady», - dedi Qazaqstandaǵy UNFPA (BUU-nyń turǵyn halyq salasyndaǵy qory) baǵdarlamasynyń qyzmetkeri Názıza Moldaqulova.

«Almatyda, árıne, kedergilerdi joıý úshin kóp jumys jasalady. Qala múmkindigi shekteýli jandar úshin yńǵaıly bola bastaıdy. Jańa nysandar barlyq erejelerge sáıkes salynyp jatyr ma? Búgingi jıynda sol talqylanady. Almaty tarıhı qala. Biraq ǵımarattardy múgedek jandarǵa yńǵaıly etip ózgertý shart. Olarǵa tek medıtsınalyq jáne áleýmettik qyzmetterdiń tutynýshysy retinde qaramaý kerek. Olardyń kóbi kásipkerler. Memlekettik kirister departamentine kiredi, qoǵamdyq demalys oryndaryna barady», - deıdi «Shyraq» múgedektigi bar áıelder qaýymdastyǵynyń tóraıymy Lıazzat Kaltaeva.

Ol, sonymen qatar, múgedektiktiń ózi damyp kele jatqan uǵym ekenin atap ótti.

«Eger biz keshe múgedekterge medıtsınalyq qyzmetke qol jetimdilik qajet dep aıtsaq, al búgin biz olar týraly ártister, ata-analar jáne sportshylar sekildi qarap aıtamyz. Múmkindigi shekteýli adamdardyń quqyqtary birtindep qorǵalǵan saıyn jańa suranys paıda bolady dep oılaımyn. Múmkindigi shekteýli adamdar úshin turǵyn úılerden shyǵý eń ótkir másele. Biz úılerdiń syrtynda keremet kedergisiz orta qura alamyz, biraq bul adamdar úılerinen shyǵa almaıdy, bul óte kúrdeli másele. Men qalalyq úıden shyǵý baǵdarlamasy bolsyn dep usynǵanmyn», - dedi ol.

Konferentsııa qorytyndysy boıynsha qarar qabyldanady. Barlyq usynystar Qazaqstannyń memlekettik organdaryna jiberiledi.