Almatyda monıtorıng toby úılený toıy men 75 jas mereıtoıdy toqtatty

ALMATY. QazAqparat – Almatyda sanıtarlyq-epıdemıologııalyq ahýaldyń saqtalýyn baqylaý aıasynda 40 monıtorıng toby kúsheıtilgen rejımde jumys istep jatyr, dep habarlaıdy QazAqparat tilshisi.

Ákimdik málimetinshe, 22-27 naýryz aralyǵynda 102 tekserý júrgizildi, onda 1286 nysan qamtylyp, 263 belgilengen jumys rejıminiń buzylýy, epıdemııaǵa qarsy talaptardyń saqtalmaý deregi anyqtaldy.

Zańdy jáne jeke tulǵalarǵa 932 hattama toltyrylyp, jalpy somasy 47 mln teńgeden asatyn aıyppul salyndy.

Monıtorıng toptary anyqtap, jolyn kesken sharalar arasynda úılený toılary, otbasylyq jáne adamdar kóp jınalatyn ózge de merekelik is-sharalar bar.

Mysaly, Bostandyq aýdanynda ornalasqan «Batyr» meıramhanasynda 50-60 adamnyń qatysýymen otbasylyq shara – 75 jasqa tolý mereıtoıynyń ótip jatqany anyqtaldy.

Áýezov aýdanyndaǵy «Parasat» meıramhanasynda 50 adamǵa arnalǵan úılený toıy áshkere boldy. Toıdyń bári toqtatyldy. Tıisti sharalar qabyldandy.

Aıta keteıik, Almaty epıdemıologııalyq jaǵdaı boıynsha áli de «qyzyl» aımaqta tur.

Ótken táýlikte qalada 415 adamnan koronavırýs anyqtaldy.

Burynǵysha 65 jastan asqan jáne sozylmaly aýrýy bar adamdar táýekel tobyna jatady, olarǵa múmkindiginshe úıden shyqpaýǵa keńes beriledi.