Almatyda monıtorıng toby 100 adam jınalǵan eki toıdy toqtatty

ALMATY. QazAqparat - Almatyda monıtorıng toby júz adam jınalǵan eki úılený toıyn toqtatty, dep habarlaıdy QazAqparat tilshisi.

Qazirgi kúni megapolıstegi epıdemıologııalyq jaǵdaıǵa baılanysty Almaty qalasyndaǵy monıtorıng toby qarqyndy jumys isteýde.

Ótken táýlikte monıtorıng toby belgilengen shekteýlerdi buzǵan 13 nysandy anyqtady. Onyń 9-y meıramhana, dámhana men dúken jáne tórteýi - kompıýterlik klýb. Aýdandyq polıtsııa basqarmasyna barlyǵy 25 adam jetkizildi.

Anyqtalǵan buzýshylyqtar arasynda:

- Áýezov aýdanynda «Shashlychnaıa na ıAssaýı» dámhanasy jumys istegen, onda shamamen 40-qa jýyq kelýshi bolǵan.

- Bostandyq aýdanynda «G-Play» kompıýterlik klýby qyzmet etken, onda 50-ge jýyq adam bolǵan.

- Medeý aýdanynda «Aılın» banket zaly qyzmet etken, onda 40-qa jýyq adam bolǵan.

- Medeý aýdanynda «Rıtm» banket zaly qyzmet etken, onda shamamen 50-ge jýyq adam bolǵan.

«Keshe 2 úılený toıy toqtatyldy. Meıramhanalarda adamdardyń jappaı jınalǵany anyqtaldy. 100-ge jýyq qonaq bolǵan, onyń ishinde juqtyrý qaýpi áldeqaıda joǵary toptaǵy egde jastaǵy adamdar da, balalar da bar. Qala turǵyndaryn óz densaýlyǵy men aınalasyndaǵylardyń densaýlyǵyna jaýapkershilikpen qaraýǵa shaqyramyz», - dedi Medeý aýdany ákimdigi janyndaǵy monıtorıng tobynyń múshesi Qaırat Nurqasymov.

19 naýryz ben 6 sáýir aralyǵynda 470 mekeme karantın sharasyn buzǵan.

Anyqtalǵan nysandardyń jalpy sanynyń ishinde mynalar bar: 308 meıramhana, dámhana men dúken, 78 kompıýterlik klýb, 12 bılıard klýby, 37 SPA-salon, 21 saýna, 2 kalıan bary, 11 karaoke klýby, 3 loto klýby, 5 túngi klýb. 2435 jeke tulǵaǵa ákimshilik aıyppul salyndy.