Almatyda «Microsoft» kompanııasynyń jalǵan ónimin jetkizýshiler ustaldy

ALMATY. QazAqparat – Jalǵan taýarlardyń álemdik naryǵy jyl saıyn ár túrli ataýlarmen tolyqtyrylyp otyrady. Qylmyskerler tutyný taýarlaryn da, ınternet qosymshalary men baǵdarlamalyq ónimderdi de qoldan jasaýmen aınalysady, dep habarlaıdy QazAqparat QR QMA baspasóz qyzmetine silteme jasap.

Qarjylyq monıtorıng agenttiginiń Almaty qalasy boıynsha aýmaqtyq departamenti «Microsoft» lıtsenzııasy joq baǵdarlamalyq jasaqtamasyn satý arnasynyń jolyn kesti.

Jedel-tergeý is-sharalary barysynda zııankester birqatar jalǵan kompanııalardy paıdalana otyryp, «Microsoft» kompanııasynyń ónimin jetkizýge eń tómen baǵa usynysymen memlekettik satyp alýǵa qatysqandyǵy anyqtaldy.

Konkýrstyq irikteý qorytyndylary boıynsha olar jeńimpaz dep tanylyp, jalpy somasy 50 mln teńgeden astam birqatar memlekettik kásiporyndar men mekemelerdiń atyna resmı baǵdarlamalyq jasaqtama túrinde jalǵan iske qosý kiltteri bar «Microsoft Office Professional» lıtsenzııasy joq baǵdarlamalyq jasaqtamasyn jetkizgen.

Qazirgi ýaqytta Almaty qalasynyń tergeý soty úsh tulǵaǵa qatysty 2 aı merzimge qamaýda ustaý túrindegi bultartpaý sharasyn sanktsııalady.

Ózge aqparat tergeý múddesine oraı jarııa etilmeıdi.