Almatyda Meıiz Sátbaevaǵa memorıaldyq taqta ornatyldy

ALMATY. QazAqparat - Almatyda tanymal ǵalym Meıiz Qanyshqyzy Sátbaevanyń qurmetine memorıaldyq taqta ornatyldy, dep habarlaıdy QazAqparat tilshisi.

Eskertkish taqta Qurmanǵazy 20 mekenjaıyndaǵy úıdiń qabyrǵasyna ornatyldy.

Meıiz Qanyshqyzy — geologııa-mıneralogııa ǵylymdarynyń doktory. Ákesi Qanysh Imantaıuly Sátbaevtyń jolyn qýyp, Jezqazǵan ken ornyn ashý jónindegi ǵylymı-zertteý jumystaryn jalǵastyrdy. Quramy renııge baı mıneraldardyń qurylymdyq-morfologııasy boıynsha doktorlyq dıssertatsııa qorǵaǵan.

Eskertkish taqtany Almaty qalasy ákiminiń keńesshisi Mamaı Ahetov ashty.

«Meıiz Qanyshqyzy – kórnekti ǵalym. Myna eskertkish taqtasy búgingi jáne keler urpaqqa ony eske salatyn bolady. Memorıaldyń ashylýy – qalamyzdyń mádenı jáne ǵylymı ómirindegi tarıhı sát», — dedi ashylý saltanatynda M. Ahmetov.

Ashylý rásimine QR Ulttyq ǵylym akademııasynyń prezıdenti Murat Jurynov, akademıkter Sultan Ozdoev jáne Sultanbek Qojahmetov, geologııa-mıneralogııa ǵylymdarynyń doktory Eleonora Seıitmuratova, Q. I. Sátbaev atyndaǵy geologııa Instıtýty arhıvynyń dırektory Nadejda Nıretına, Qazaqstannyń eńbek sińirgen qaıratkeri G. Bıbatyrova, Meıiz Sátbaevanyń uly, geologııa-mıneralogııa ǵylymdarynyń doktory A. Tretıakov qatysty.