Almatyda metropolıten jumysy ýaqytsha toqtatyldy

ALMATY. QazAqparat - «Almaty kólik holdıngi» JShS tótenshe jaǵdaı rejımine baılanysty qala mańyna qatynaıtyn avtobýstar boıynsha málimet berdi, dep habarlaıdy QazAqparat tilshisi.

«Qala mańyna baratyn № 10, 227 ,231, 23, 117, 221, 228, 219, 203, 207, 222, 204, 225, 212, 210, 202, 224, 12, 220, 208, 214, 217 marshrýttar jelidegi avtobýstardyń josparly sanyn qysqartýmen saǵat 09:00-dan 18:00-ge deıin jumys isteıtin bolady.

Metropolıten jumysy ýaqytsha toqtatyldy», - delinedi habarlamada.

Eske salsaq, 12 qańtardan bastap Almatyda barlyq marshrýt, onyń ishinde qalamańy marshrýttary da jolǵa shyǵatynyn jazǵanbyz. Tótenshe jaǵdaıǵa baılanysty jumys kestesi qalalyq marshrýttar úshin tańǵy saǵat 08:00-den keshki 20:00-ge deıin, al qalamańy marshrýttary tańǵy saǵat 09:00-den keshki 18:00-ge deıin jumys isteıdi.

Qalada 19 qańtarǵa deıin tótenshe jaǵdaı rejımi jáne kommendanttyq saǵat engizilgen.