Almatyda meshitke kelýshi jamaǵattar arasynda sporttyq mereke bastaldy

ALMATY. QazAqparat - Almatyda qaladaǵy buqaralyq sportty damytýǵa baǵyttalǵan «Asyl mura» baǵdarlamasynyń jańa maýsymy bastaldy, dep QazAqparat aqparattyq jáne sporttyq HAB-qa silteme jasap.

Bul baǵdarlama barsha musylmandardyń meıramy Oraza aıttyń birinshi kúni bastalady. Ashylý saltanaty tańǵy saǵat 07:00-de qaladaǵy Pýshkın kóshesi, 16 mekenjaıy boıynsha ornalasqan Ortalyq meshitte ótedi.

Kez kelgen qala qonaqtary men osy meshitke kelýshi jamaǵattardyń aldynda baǵdarlamanyń ashylý saltanaty kontserttik baǵdarlamamen bastalyp, akrobattardyń óner kórsetýimen aıaqtalady.

Sonymen qatar, kez kelgen kelýshi qoshqar kóterý, asyq atý, baǵanaǵa shyǵý, arqan tartý, gir kóterý sport túrlerinen óz kúshterin synap, baǵaly syılyqtarǵa ıe bola alady.

Sondaı-aq, meshitke kelýshilerge aıt meıramynyń merekelik dastarhany jaıylady.

Al maýsymnyń 16-i kúni osy baǵdarlama aıasynda meshitke kelýshi jamaǵattar arasynda fýtbol lıgasy bastalady. Almaty Arena stadıonynda ótetin oıyndarǵa barsha Alataý aýdany meshitteriniń jamaǵattary qatysa alady.

Bastalýy saǵat 09:00-de.

Osy joly lıganyń jalpy júlde qory 1 mln. teńgeni quraıdy. Qatysý tegin.

Sonymen qatar, osy kúni fýtboldan bólek barsha kórermenderge arnalǵan tamaqtaný jáne belsendilik pýnktteri da qyzmet atqarady. Olar leńgi tebý, bamperboldan óz baqtaryn synaýǵa múmkindik alady.

Aıta keter jaıt, ótken maýsymda osy fýtbol lıgasynyń jeńimpazy bolyp «Tóle bı» (Almaly aýdany) meshiti atanǵan bolatyn. Oıyndar ár senbi jáne jeksenbi saıyn qalamyzdyń fýtbol alańdarynda kúntizbege sáıkes ótkiziletin bolady.