Almatyda merekege oraı trotýar boıyndaǵy avtoturaqtar eki kún boıy tegin
13:00, 21 Naýryz 2022
ALMATY. QazAqparat - Almatyda 21 jáne 22 naýryz kúnderi búkil trotýarlyq turaqtar tegin bolady, dep habarlaıdy QazAqparat tilshisi.
«Naýryz merekesine oraı 21 jáne 22 naýryzda qaladaǵy barlyq trotýarlyq turaqtar tegin bolady. Alańdaǵy turaqtar burynǵy rejımde jumys isteıdi. Barshańyzdy kele jatqan merekemen quttyqtaımyz! Sizderge beıbitshilik pen órkendeý tileımiz»,- dep habarlady A-Parking baspasóz qyzmeti.
Eske salaıyq, Qazaqstan halqy búgin Samarqannyń kók tasy jibigen Ulystyń uly kúni - Naýryz meıramyn toılap jatyr.
Almatyda Naýryz merekesi aıasynda qalanyń barlyq aýdandarynda 80-nen astam túrli is-shara ótedi.
Qala turǵyndary men qonaqtaryn otandyq ártisterdiń kontsertteri, ulttyq jarystar, teatr qoıylymdary men shoýlar kútedi.