Almatyda menshik ıeleri birlestigin tirkeý úshin qandaı qujattar kerek
Eske salaıyq, 2020 jyldyń 7 qańtarynda Múlik ıeleriniń birlestigin, kondomınıým qurý jáne tirkeý týraly zań qabyldandy. Osylaısha, qala turǵyndary PIK ornyna kondomınıým obektisin basqarýdyń jańa nysanyn — múlik ıeleriniń birlestigin nemese kóppáterli úıdiń jaı seriktestigin tańdaýǵa mindetti.
Almaty qalasy turǵyn úı saıasaty basqarmasy basshysynyń orynbasary Meıirjan Otynshıevtiń aıtýynsha, Almatyda bul baǵytta belsendi jumys júrgizilýde.
Algorıtm boıynsha turǵyndar kelý tártibimen páter ıeleriniń, turǵyn emes úı-jaılardyń jınalysyn ótkize alady, onyń barysynda múlik ıeleriniń birlestigin qarapaıym seriktestik qurý týraly sheshim qabyldanady.
Bul rette, MIB qurý úshin jalpy jınalysqa qatysýshylardyń nemese jalpy pikiri suralǵandardyń jartysynan astamynyń, ıaǵnı barlyq páter ıeleriniń keminde 26% - nyń kelisimi qajet.
«Qazirgi ýaqytta kúrdeli epıdemııalyq jaǵdaıdy eskere otyryp, qala turǵyndaryna saýalnamany jazbasha júrgizýge kóshý jáne talqylaýlardy áleýmettik jeliler men messendjerler arqyly júrgizý usynyldy. Sondaı-aq, sanıtarlyq-epıdemııalyq talaptardy saqtaı otyryp, páterler, turǵyn emes úı-jaılar ıeleriniń jınalystaryn ótkizý kestesi jasaldy», - dedi Meıirjan Otynshıev.
Jınalystardyń ótkizilý kestesin qalanyń turǵyn úı saıasaty basqarmasynyń resmı saıtynan jáne áleýmettik jelilerinen tabýǵa bolady.
«Azamattarǵa arnalǵan úkimet «Memlekettik korporatsııasy» KE AQ Almaty qalasy boıynsha fılıalynyń Medeý aýdandyq halyqqa qyzmet kórsetý bóliminiń basshysy Madına Amanovanyń aıtýynsha, múlik ıeleriniń birlestigin tirkeý úshin qujattardyń eń az paketi qajet.
HQO-ǵa myna qujattardy tapsyrý arqyly MIB tirkeýge bolady:
- MIB atynan ótinish;
- jınalys hattamasy;
- tıptik jarǵy;
- 1 AEK mólsherinde tirkeý alymyn tóleý týraly túbirtek (2 778 teńge).
Tirkeý rásimi 5 jumys kúnin alady.
Kondomınıým obektisin tirkeýge keletin bolsaq, ol úshin turǵyn úı-jaılardyń keminde eki menshik ıesinen ótinish qajet, sondaı-aq 2 405 teńge mólsherinde tirkeý alymy tólenedi. Ótinishti qaraý merzimi eki jumys kúni.
Tirkeýshi organ turǵyn úı qatynastary týraly Zańǵa sáıkes quqyqtyq kadastrǵa málimetter engizedi.
Sonymen qatar, tirkeý ınternet jelisi arqyly berilgen elektrondyq ótinish negizinde júrgizilýi múmkin. Bul protsedýra tolyǵymen jeńildetilgen.
«Eger buryn kondomınıým nysanyn tirkeý úshin jer ýchaskesine quqyq belgileıtin sáıkestendirý qujatyn berý, sondaı - aq úlesterdi esepteýdi júrgizý qajet bolsa, qazirgi ýaqytta tirkeýshi organ osy rásimdi elektrondyq júıe arqyly ózdiginen júzege asyrady», - dep atap ótti «Azamattarǵa arnalǵan úkimet» memlekettik korporatsııasy» KEAQ Almaty qalasy boıynsha fılıalynyń tirkeý basqarmasy basshysynyń orynbasary Jarqyn Ótegenov.
Óz kezeginde, Almaty qalasy ádilet departamentiniń zańdy tulǵalardy tirkeý boıynsha jumysty uıymdastyrý bóliminiń basshysy Aqerke Qojahmetova basqarýdyń jańa formalaryn tirkeý kezinde tirkeýshi organdardyń qandaı máselelerge tap bolatyny týraly aıtyp berdi.
«Búgingi tańda tirkeý barysynda keıbir suraqtar týyndaıdy. Tirkeýshi organ kóbinese durys jasalmaǵan hattamalarmen, hattamalarda kvorýmnyń bolmaýymen ushyrasady. ıAǵnı, olar ótkizetin jınalysta menshik ıeleriniń kvorýmy kóbine zańda kórsetilgennen az bolady. Sol sebepti tirkeý merzimderin toqtata turýǵa jáne túzetý úshin azamattarǵa qaıta jiberýge týra keletin kezder bolady. Sondaı-aq, turǵyndar eki MIB-ti bir zańdy mekenjaıǵa tirkegen kezde qıyndyqtar týyndaıdy. ıAǵnı, turǵyndar bir turǵyn úıde eki MIB tirkeýge tyrysady, bul zańǵa qaıshy», - dedi A.Qojahmetova.
Úıdi basqarýdyń jańa formalaryn qurý jáne tirkeýge qatysty suraqtar týyndaǵan jaǵdaıda turǵyndar «Azamattarǵa arnalǵan úkimet» memlekettik korporatsııasynyń 1414 biryńǵaı baılanys ortalyǵyna júgine alady.