Almatyda menıngokokk ınfektsııasyn juqtyrǵandar joq - dárigerler

ALMATY. QazAqparat - Almatyda ótken brıfıngte Almaty balalar juqpaly aýrýlar aýrýhanasynyń bas dárigeri Erjan Seralın menıngokokk ınfektsııasy boıynsha qazirgi jaǵdaı qalaı ekenin aıtty, dep habarlaıdy QazAqparat tilshisi.

«Esterińizde bolar, sáýir aıynda menıngokokk ınfektsııasy beleń alǵan bolatyn. Bizde sońǵy ret onymen maýsym aıynda aýyrǵandar boldy. Sodan beri Almatyda menıngokokk ınfektsııasymen eshkim aýyrǵan joq. Óz kezeginde biz de aýqymdy aldyn alý sharalaryn júrgizdik. Bıyl da, keler jyly da bul ınfektsııaǵa eshkim shaldyqpaıdy dep úmittenemiz», - dedi E. Seralın.

Eske sala keteıik, jyl basynan beri Qazaqstanda menıngokokk ınfektsııasyna 84 adam shaldyǵyp, 15 adamnyń ómirin qıǵan bolatyn. Sonyń altaýy - almatylyq.

Avtor: Maııa Teńizbaeva