Almatyda menıngıtten kóz jumǵan balanyń málimetin taratqandar jaýapqa tartylady

ALMATY. QazAqparat - Almatyda menıngıtten kóz jumǵan balanyń jeke málimetin taratqandar jaýapqa tartylady, dep habarlaıdy QazAqparat tilshisi.

Bul týraly búgin Qoǵam densaýlyǵyn qorǵaý departamentiniń mamandary aıtty.

«Búginde 3 adam kóz jumdy. 7 adam óldi degen aqparat jalǵan. Bul aqparat halyq arasynda qorqynysh týdyrady. Sonymen qatar, qaza bolǵan balanyń jeke bas málimetterin, dárigerdiń qorytyndysyn jelige salǵan tulǵalar jaýapkershilikke tartylady. Bul máseleni quzyrly organdarǵa tabystaıtyn bolamyz», - dedi departament basshysy Aızat Moldaqasymova.

Aıta ketý kerek, Almatyda sońǵy 1 aıda menıngokok juqpasynan 3 adam: 2 eresek, 1 bala kóz jumdy.

Almaty bıligi mamyrdyń sońynda menıngokok juqpasyna qarsy ekpe satyp almaq.