Almatyda mektepti jóndeýge ata-analardan aqsha jınaý deregi tekserilip jatyr

ALMATY. QazAqparat - Áleýmettik jelide Almatydaǵy mektepterdiń birinde mekteptiń jóndeý jumysyna ata-analardan aqsha jınalatyny týraly málimet tarady, dep habarlaıdy QazAqparat tilshisi.

Jelide jarııalanǵan jazbaǵa sáıkes, keıbir derekkóz málimetinshe Y. Altynsarın atyndaǵy № 159 mektep-gımnazııanyń ákimshiligi jóndeý jumysyna ata-analardan aqsha jınaǵan.

Osyǵan oraı Almaty qalalyq bilim basqarmasy resmı málimdeme jasady. Bilim basqarmasy mekteptiń jyl saıyn memlekettik qarajat esebinen jóndeletinin habarlady.

«Almaty qalasynyń bilim basqarmasy atalǵan máseleni egjeı-tegjeıli tekserý júrgizý úshin arnaıy komıssııa qurǵanyn habarlady. Sonymen qatar, mekteptiń jyl saıyn memlekettik qarajat esebinen jóndeletinin habarlaımyz. Mektep ákimshiligi jáne qyzmetkerlerimen qarajat jınaýǵa jol bermeý boıynsha túsindirý jumysy júrgizildi. Tekserý nátıjesi qosymsha habarlanady. №159 gımnazııa dırektoryna baqylaýdy álsiretkeni úshin tártiptik shara qabyldandy», - dep habarlady qalalyq bilim basqarmasy.