Almatyda «Mektepke jol» aktsııasy boıynsha qaıda habarlasýǵa bolady

ALMATY. QazAqparat - Almatyda «Jalpyǵa birdeı bilim berý» qorynan 2023 jyly mektep formasy men keńse kerek-jaraqtaryn satyp alý úshin bir balaǵa 43 myń teńge jumsalady, dep habarlaıdy QazAqparat tilshisi.

Almaty qalasy bilim basqarmasynyń aqparaty boıynsha, Jalpyǵa mindetti oqý» qorynan halyqtyń áleýmettik osal toby sanatyna jatatyn 15 myńnan astam oqýshy kómek aldy. Aıta keteıik, atalǵan qor jergilikti bıýdjetten qarjylandyrylady.
Odan kómek alýǵa myna sanattaǵylar quqyly:
- Memlekettik ataýly áleýmettik kómek (budan ári – AÁK) alýǵa quqyǵy bar otbasylardan shyqqan balalar;
- jan basyna shaqqandaǵy ortasha tabysy eń tómengi kúnkóris deńgeıinen tómen memlekettik AÁK almaıtyn otbasylardan shyqqan balalar;
- jetim jáne ata-ananyń qamqorlyǵynsyz qalǵan balalar;
- tótenshe jaǵdaılar nátıjesinde shuǵyl kómekti talap etetin otbasylardan shyqqan balalar;
- bilim berý uıymynyń alqaly organy aıqyndaıtyn bilim alýshylar men tárbıelenýshilerdiń ózge de sanattary.
Ata-ana, balanyń zańdy ókili materıaldyq kómek alý úshin egov.kz elektrondyq úkimet portaly arqyly nemese halyqty jumyspen qamtý ortalyǵyna ótinim beredi. Qarjylyq jáne materıaldyq kómek alýǵa arnalǵan tizim oqý jyly ishinde bir ret jasalady.
Joǵaryda atalǵan sanattarǵa jatpaıtyn oqýshylar «Mektepke jol» respýblıkalyq aktsııasy aıasynda demeýshiler men metsenattar esebinen kómek ala alady. Bıyl bul aktsııa osy jyldyń 1 tamyzynda «Jaqsylyq jasa» devıizimen bastalyp, 30 qyrkúıekke deıin jalǵasady.
«Mektepke jol» aktsııasyna qatysý úshin oqý orny boıynsha bilim berý uıymyna ótinish berý qajet. Búgingi tańda bilim berý uıymdaryna 500-ge jýyq ótinim berildi.
Demeýshiler, metsenattar jáne balalarǵa kómek kórsetkisi keletin qalanyń barlyq qamqor turǵyndary aýdandyq bilim bólimderine saǵat 9:00-den 18:00-ge deıin habarlasa alady.
Aktsııa týraly qosymsha aqparatty kelesi jedel jeli telefondary arqyly bilýge bolady:
- Alataý aýdany boıynsha: [phone]
- Almaly aýdany boıynsha: [phone]
- Áýezov aýdany boıynsha: [phone]
- Bostandyq aýdany boıynsha: [phone]
- Jetisý aýdany boıynsha: [phone]
- Medeý aýdany boıynsha: [phone]
- Naýryzbaı aýdany boıynsha: [phone]
- Túrksib aýdany boıynsha: + 7 701 615 49 78