Almatyda mektep salyp júrgen 11 afrıkalyq deportatsııaǵa jiberildi
Aıta keteıik, QR Іshki ister mınıstrligi eldegi kóshi-qon zańnamasynyń saqtalýyn tekserip, jedel-aldyn alý sharasyn ótkizgen.
«Kóshi-qon zańnamasyn buzýshylardy elden shyǵarý týraly 476 sot sheshimi shyǵaryldy. Májbúrli túrde 70 sheteldik eline qaıtaryldy. Barlyq shyǵarylǵan adamdarǵa 5 jyl boıy Qazaqstanǵa kirýge tyıym salynady», - dedi Іshki ister mınıstrligi baspasóz qyzmetiniń ókili Shuǵyla Turlybek aptalyq brıfıngide.
Máselen Almaty oblysynyń polıtsııasy Qonaev qalasynda orta mektep salý kezinde zańsyz eńbek etken Afrıka elderiniń 11 azamatyn anyqtady. Elde bolý merzimderin buzǵan barlyq sheteldik jaýapkershilikke tartyldy jáne olardy deportatsııalaý boıynsha sharalar qabyldanýda.
ІІM elimizde sheteldikterdi qabyldaýshy tarapqa ózderine kelgen sheteldik týraly Іshki ister organdaryn habardar etýge tıis ekendigin taǵy da eskertedi.
Qoldanystaǵy zańnamaǵa sáıkes, osy mehanızm buzylǵan jaǵdaıda qabyldaýshy tarap QR ÁQBtK 518-baby boıynsha ákimshilik jaýapqa tartylady. Onda jeke tulǵalarǵa eskertý jasalsa, laýazymdy tulǵalarǵa, shaǵyn kásipkerlik sýbektilerine nemese kommertsııalyq emes uıymdarǵa 10 AEK (1 AEK - 3450 teńge) mólsherinde aıyppul salynady.
«Osyǵan baılanysty, kóshi-qon qyzmeti Qazaqstanda sheteldikterdi qabyldaıtyn adamdarǵa ózderinde turatyn adamdar týraly polıtsııaǵa habarlaý normalaryn buzbaýǵa shaqyrady», - dedi Shuǵyla Turlybek.