Almatyda mektep oqýshysy áleýmettik jeli arqyly synyp jetekshisine shaǵymdandy
23:03, 14 Mamyr 2023
ALMATY. QazAqparat - Almatyda 9 synyp oqýshysy synyp jetekshisinen kórgen qysym men fızıkalyq zorlyq-zombylyq týraly áleýmettik jelide beıneúndeý joldady, dep habarlaıdy QazAqparat tilshisi.
Almaty qalalyq №133 orta mektebiniń 9 synyp oqýshysy áleýmettik jelide synyp jetekshisiniń moraldyq qysym men zorlyq-zombylyq jasaǵanyn málimdedi. Sonymen birge, mektep dırektory men orynbasarlary muǵalimge qatysty tıisti sharalar qabyldamaı jatqanyn aıtty.
Osyǵan oraı, Almaty qalasy bilim basqarmasy komıssııa qurylǵanyn jáne ol bilim berý mekemesine baryp, atalǵan faktini tekseretinin habarlady.
«Muǵalim synyp jetekshisi qyzmetin atqarýdan ýaqytsha shettetildi. Sondaı-aq, 16 mamyr kúni bul máseleni Áýezov aýdany ákimdigi janyndaǵy Kámeletke tolmaǵandardyń quqyqtaryn qorǵaý jónindegi vedomstvoaralyq komıssııanyń otyrysynda qaraý josparlanýda. Atalmysh másele qalalyq bilim basqarmasynyń baqylaýynda», - dep habarlady vedomstvoda.