Almatyda mektep oqýshylary qashyqtan oqytý formatyna kóshedi - Lázzat Jylqybaeva
Bul týraly Almaty qalasy bilim basqarmasynyń basshysy Lázzat Jylqybaeva aıtty, dep habarlaıdy QazAqparat tilshisi.
«Almaty qalasynynyń Bas memlekettik sanıtarlyq dárigeriniń 13 qańtardaǵy qaýlysymen mektep oqýshylary 17 qańtardan bastap qashyqtan oqytý formatyna kóshedi. Oqý protsesin qashyqtan uıymdastyrý úshin barlyq qajetti jaǵdaılar jasalǵan, atap aıtqanda, oqýshylar kompıýterler men noýtbýktermen qamtamasyz etilgen. Qalada ınternetke qatysty jaǵdaı turaqty, mektepterdiń ınternetke qosylýy qamtamasyz etilgen»,- dedi ol.
Sondaı-aq onyń aıtýynsha, ata-analardyń qosymsha kompıýter nemese noýtbýkke, ınternetke qatysty suraqtary boıynsha mekteptiń birinshi basshylaryna nemese aýdandyq bilim bólimderiniń basshylaryna habarlasa alady jáne olar atalǵan máselelerdi sheshýge kómektesetin bolady.
Búginde oqytýdyń platformalary anyqtalǵan (Online Mektep, Bilim Land, Microsoft Teams). Sonymen qatar, oqýshylarǵa yńǵaıly bolý úshin buryn paıdalanǵan platformalardy mektepter ózderi tańdap, oqytý barysynda qoldana alady.
«Bizde qashyqtan jumys isteý tájirıbemiz bar, muǵalimder ótken jyly tsıfrlyq saýattylyq kýrstarynan ótti jáne óz jumystaryn onlaın rejıminde jetildiretin bolady»,- dep atap ótti Lázzat Jylqybaeva.