Almatyda Meksıka konsýldyǵy ashyldy

ALMATY. QazAqparat - Almatyda Meksıka konsýldyǵy ashyldy, dep habarlaıdy QazAqparat tilshisi.

Konsýldyqtyń jumysy eki el arasyndaǵy ekonomıkalyq, mádenı, áleýmettik yntymaqtastyqty nyǵaıtýǵa baǵyttalǵan.

Saltanatty sharaǵa Vengrııa, Belgııa, Ózbekstan, Tájikstan memleketteriniń elshileri arnaıy kelip, quttyqtaý sózderin aıtty.

«Bul konsýldyqtyń eki el arasyndaǵy ekonomıkalyq, mádenı, áleýmettik yntymaqtastyqty nyǵaıtýǵa septesetinine senimim mol. Bizdiń eldiń azamattaryna Meksıkaǵa vıza alý máselesi de jeńildeı túsedi degen oıdamyn. Aldymyzda úlken mindetter tur. Ol úshin aıanbaı eńbek etýimiz kerek», – dedi Meksıkanyń Qazaqstandaǵy qurmetti konsýly Erqanat Qojahmetov.