Almatyda mefedron satyp kelgen 20 jastaǵy barmen jigit ustaldy

ASTANA. QazAqparat – Almaty polıtsııasy esirtki saýdasyn uıymdastyrǵan eki adamdy ustady. Bul týraly QR Іshki ister mınıstrliginiń ókili Shuǵyla Turlybek aıtty, dep habarlaıdy QazAqparat tilshisi.

«Esirtki qylmysyna qarsy is-qımyl bólimshesiniń qyzmetkerleri Almatynyń túngi klýbtarynyń birinde 20 jastaǵy barmendi ustady. Kúdikti klıentke sıntetıkalyq esirtki satýǵa tyrysqan. Saraptama qorytyndysyna sáıkes bul zat mefedron bolyp shyqty», - dedi Іshki ister mınıstrliginiń ókili aptalyq onlaın brıfıngide.

Sonymen birge, osy klýbqa turaqty kelýshilerdiń birine qatysty jedel jáne arnaıy is-sharalar ótkizilgen.

Onyń turǵylyqty jerin tintý kezinde qarapaıym páterdiń nashaqorlar ordasyna aınalǵany anyqtaldy. Onda 6 adam ustalyp, jeke málimetteri tekserilip jatyr.

«Jedel qyzmetkerlerdiń aıtýynsha, bul páterdiń ıesi pornostýdııa da ashyp úlgergen. Ol Almatynyń elıtalyq shaǵynaýdanynda ornalasqan. Onda 18 jáne 22 jastaǵy eki qyz jumys istegen. Jedel derekterge súıensek, olar esirtkige táýeldi. Pornografııalyq mazmundaǵy vıdeo taratylatyn webcam stýdııany atalǵan er adam birneshe aı buryn jasaǵan», - dedi Shuǵyla Turlybek.

Aıta keteıik, 1-30 qazan kúnderi Іshki ister mııstrligi quqyqbuzýshylyqtardyń aldyn alyp, azamattarmen tyǵyz qarym-qatynas ornatý úshin «Ýchaske» jedel aldyn alý sharasyn ótkizdi.

Operatsııa kezinde polıtsııa qyzmetkerleri ákimshilik ýchaskelerdi aralap, ishki ister organdarynyń esebinde turǵan adamdardy turǵylyqty jeri boıynsha teksergen jáne azamattyq qarý ıeleriniń turǵylyqty jeri boıynsha saqtalýyn, ýaqtyly tirkelýin jáne qaıta tirkelýin naqtylaǵan.