Almatyda «mefedron» esirtkisin satyp júrgen jas jigit ustaldy
Jedel-izdestirý sharasy barysynda Almaty qalasynyń polıtseıleri psıhotroptyq zattardy zańsyz saqtady degen kúdikpen 24 jastaǵy A. esimdi azamatty ustady.
Onyń turǵylyqty jerin tintý kezinde aq tústi untaq zaty bar polıetılen paketteri men qaǵaz paketteri anyqtalyp, tárkilendi.
Bul derek sotqa deıingi tergeýdiń biryńǵaı tizilimine tirkeldi. Esirtki, psıhotroptyq zattar, prekýrsorlar men sol tektesterge sot-medıtsınalyq saraptama taǵaıyndaldy.
Qorytyndyǵa sáıkes tárkilengen zattar «mefedron» psıhotroptyq zaty bolyp shyqty.
«Osy qylmystyq is aıasynda júrgizilgen qosymsha jedel-izdestirý is-sharalary barysynda Naýryzbaı aýdanynyń aýmaǵynan esirtki salynǵan taǵy 40 polıetılen paketi tabyldy. Almatyda shóptiń jetkizý arnasy anyqtalyp jatyr», – dep túıindedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.