Almatyda medıatorlar trenıngi ótedi
Ony "Medıatsııa" biryńǵaı medıatsııa jáne kelisim ortalyǵy uıymdastyryp otyr. Bul sharany Anglııa, AQSh jáne Reseı elinde akkredıtatsııadan ótken jattyqtyrýshy Svetlana Romanovskaı (Savchenko) júrgizetin bolady.
"Medıatsııa týraly" QR Zańyna Elbasy Nursultan Nazarbaev 28 qańtarda qol qoıǵan edi. Ol endi aldaǵy tamyz aıynan bastap óz kúshine enetin bolady. Bul zańnyń jobasyn jasaýshylardyń biri bolyp sanalatyn Svetlana Romanovskaıa 2005 jyly Sankt-Peterbor memlekettik ýnıversıtetinen medıator mamandyǵyn alyp shyqqan edi. Zań ǵylymdarynyń kandıdaty osy ýaqytqa deıin 360-tan astam trenıng ótkizip úlgerdi. Halyqaralyq dárejedegi medıator dárejesin dáleldep, ol qazaqstandyq jáne halyqaralyq sottarda tórelik sotty tájirıbeden ótkizip júrgen ol bıyl "SEDR"- Centre for Effestive Dispute Resolution, London (Daýdy tıimdi sheshý ortalyǵy) halyqaralyq synyptaǵy medıatory dárejesine ıe boldy. Qazirgi tańda QR Prezıdenti Ulttyq keńesiniń, QR Parlamenti Májilisiniń Qoǵamdyq sarapshylar palatasynyń, "Nur Otan" HDP-nyń respýblıkalyq saıası keńesi bıýrosynyń múshesi, TMD elderi Úılestirý keńesi tóraǵasynyń tutynýshylar quqyn qorǵaý jónindegi orynbasary, Almaty qalasy máslıhatynyń depýtaty,
ISO 26000 jónindegi sarapshy, QR Parlamenti men máslıhatyndaǵy zań shyǵarý jáne normatıvtik shyǵarmashylyq komıssııalarynyń múshesi, Qazaqstan tutynýshylary ultyq lıgasynyń prezıdenti, Minsiz bıznes kásiporyndary qaýymdastyǵynyń prezıdenti jáne "Medıatsııa" biryńǵaı medıatsııa jáne kelisim ortalyǵynyń tóraıymy bolyp jumys jasaıdy.