Almatyda «Medıatehaýyl» jáne Adam kapıtalyn damytý baǵdarlamasy - jol kartasy» baǵdarlamasynyń tusaýkeseri ótti

ALMATY. 12 aqpan. QazAqparat - Eldegi reformalardan, jáne ekonomıkanyń damýynan aýyl qalyp qoıdy. Ony Halyqaralyq adam kapıtaly ınstıýtynyń dırektory Januzaq Ákim búgin Almatyda ótken «Medıatehaýyl» jáne Adam kapıtalyn damytý baǵdarlamasy - jol kartasy» baǵdarlamasynyń tusaýkeserine arnalǵan ǵylymı konferentsııada aıtty.

«7 myńnan astam aýylda halyqtyń 45-47 paıyzy turady. Sondyqtan olardyń álýemettik-ekonomıkalyq damýyn jedeldetýdi júıeli túrle kóterý kerek. Ol úshin 2013-2014 jyldary turǵyndary 2 myńnan asatyn aýyldar men aýdan ortalyqtarynda, al 2014-2016 jyldary qalǵan aýyldarda aldymen ınternet kafeler, kitap dúkenderin, kitaphanalar men kınozaldar ashý qajet», - deıdi bıologııa ǵylymynyń kandıdaty, Qazaq ulttyq jaratylystaný ǵylymdary ǵylymdary akademııasynyń korrespondent-múshesi, Eýropa jaratylystaný ǵylymdary akademııasynyń akademıgi Januzaq Ákim.

Onyń aıtýynsha, 2013-2016 jyldary barlyq aýylda qarjy ınstıtýttarynyń, onyń ishinde, «QazaAgro» men Qarjy seriktesteriniń jáne negizgi bankterdiń fılıaldaryn, ókildikterin ashý kerek. Sebebi shalǵaı aýyldaǵy adamdar qarjylyq ınstıtýttardan alys bolǵandyqtan nesıe alyp, kásipkerlikke aralasyp, aýyldy damyta almaı otyr. Biz aýyldyń damýy úshin olarǵa eń birinshi kezekte jaǵdaı jasaýymyz kerek.