Almatyda «Medeý» vızıt-ortalyǵy ashyldy

ALMATY. QazAqparat- Almaty ákimi Baqytjan Saǵyntaev turaqty ekotýrızmdi damytý sharalary aıasynda qurylǵan jańa týrıstik nysanmen tanysty, dep habarlaıdy QazAqparat tilshisi.

Jeke ınvestor júzege asyrǵan joba – qoǵamdyq tamaqtandyrý pýnkti, týrıstik qural-jabdyqtar dúkeni bar týrıstik aqparattyq ortalyq.

Vızıt-ortalyqta «Іle-Alataý» ulttyq parki týraly barlyq qajetti aqparatty alýǵa bolady, ol úshin Visit Almaty ınfostoıkasy ornatylǵan, konsýltanttar jumys isteıdi. Munda týrıstik baǵyttar, soqpaqtar týraly derekter, ulttyq park aýmaǵyndaǵy obektilerdiń baılanystary jáne qaýipsiz jáne jaıly týrızm úshin qajetti jabdyqtar usynylady.

«Biz Táýelsizdik kúni sııaqty tamasha merekede vızıt-ortalyqty ashýǵa qýanyshtymyz. Bógetke barar jolda biz demalýshylar úshin 15 oryndyq ornattyq. Sondaı-aq, jaıaý júrginshiler aımaǵyn abattandyratyn bolamyz», - dedi «Taý Jol Shymbulaq» JShS basshysy Sergeı Spıtsyn.

«Medeý» BSK vızıt-ortalyǵy jalpy alańy 208 sharshy metr aýmaqta ornalasqan, ınvestıtsııa kólemi – 100 mln teńge, 50 jumys orny qurylady.

Taýlarda qaýipsiz jáne jaıly bolýdy qamtamasyz etý maqsatynda Tuıyq-sý shatqalynda tikushaq alańynyń qurylysy júrgizilýde. Budan basqa, spýtnık baılanysy jáne SOS dabyl túımeleri bar taýly marshrýttardyń shalǵaı toraptyq ýchaskelerinde 15 qutqarý úıshigi ornatyldy.

2 arnaıy baqylaý-qutqarý pýnkti daıyndaldy. Olar taýly jerlerde ornalasqan. Onda16 adamnan turatyn qutqarýshy táýlik boıy kezekshilik jasaıdy. Qımasar shatqalynda dabyl túımelerin baqylaý júıesiniń pılottyq jobasy iske qosyldy.

Búginde taýly jerlerde 1000 shaqyrymnan astam jaıaý júrý marshrýttary tsıfrlandyryldy, olardyń 500 shaqyrymy abattandyryldy. Barlyǵy 2GIS jáne ViewRanger platformalarynda qoljetimdi. Bul marshrýttarda QR-kodtary bar stendterdi qosa alǵanda, barlyq qajetti aqparattyq derekter ornatylǵan, onda týrıster marshrýttyń kúrdeliligimen, onyń uzaqtyǵymen jáne ótý ýaqytymen tanysa alady.

Budan basqa, Úlken jáne Kishi Almaty shatqaldarynda aǵymdaǵy jyldyń sońyna deıin jalpy uzyndyǵy 179 shaqyrym bolatyn taý marshrýttaryn abattandyrýdy aıaqtaý josparlanýda. Sondaı-aq Gorelnık, Prosveşenets, Qyzylsaı, Kazachka jáne «Lýnnaıa» alańqaıynda 6 kempıng-aımaq qurý boıynsha jumys júrgizilip jatyr.