Almatyda Medeý aýdanynyń ákimi taǵaıyndaldy

ALMATY. QazAqparat Almaty ákimi Baýyrjan Baıbek búgin qalalyq máslıhattyń VI kezekten tys sessııasynda Medeý aýdanynyń ákimin taǵaıyndady. Atalǵan laýazymǵa Erjan Jylqybaev usynyldy.

«Medeý aýdanynda 200 myń adam turady. Bul qala halqynyń 12 paıyzy. 22 myń stýdent turady. Munda Medeý, Shymbulaq negizgi nysandary, 60 mádenı nysan ornalasqan. Aýdan 400 mlrd teńge kóleminde tabys ákeledi. 109 mlrd ınvestıtsııa jáne bar», - dedi B.Baıbek.
Máslıhat depýtattary Erjan Jylqybaevtyń kandıdatýrasyn biraýyzdan qoldady.
Qala basshysynyń aıtýynsha, aýdannyń eks-ákimi Sultanbek Mákejanov óziniń densaýlyǵyna baılanysty jumystan ketý týraly aryz jazǵan.
Erjan Jylqybaev 1982 jyly OQO-da dúnıege kelgen. 2003-2004 jyldary OQO ekonomıka departamentiniń bas mamany, 2007 jyly Ekonomıka jáne bıýdjettik josparlaý mınıstrliginde bólim basshysy, 2007-2009 jyldary Eńbek jáne áleýmettik qorǵaý mınıstriniń kómekshisi, 2009 jyly ShQO ákiminiń kómekshisi, 2014-2016 jyldary QR Prezıdenti ákimshiligi bóliminiń memlekettik ınspektory qyzmetin atqaryp kelgen.