Almatyda máslıhat depýtattyǵyna úmitkerler anyqtaldy

ALMATY. QazAqparat - Almatyda qabyldaý úıinde qalalyq «Nur Otan» partııasy bólimshesiniń XXII esepti-saılaý konferentsııasy ótti, dep habarlaıdy QazAqparat tilshisi. 

Aıta ketý kerek, munyń aldynda bıznesmen Erlan Stambekov, baıker Dmıtrıı Petrýhın, «Almaty halyqaralyq áýejaıy» AQ dırektory Aıbol Bekmuhambetovter Almaty qalasy máslıhat depýtaty mandatyn ýaqytynan buryn tapsyrǵan bolatyn. 

Partııa fılıalynyń tóraǵasy Baýyrjan Baıbek 745 bastaýysh partııa uıymynda kezdesý ótip, 6 úmitker irikteletinin habarlaǵan bolatyn. 

Partııaishilik saılaý nátıjesinde úsh úmitker: Jetisý aýdanynan «Almatyınjstroı» AQ bas dırektory Ashat Chılıkbaev, Túrksib aýdanynan «Órleý» biliktilikti jetildirý Ulttyq Ortalyǵy AQ basqarma tóraıymy Gúlnas Ahmetova, «Jol qurylys basqarmasy 13» bastaýysh partııa uıymynyń jetekshisi Mıhaıl Grachev irikteldi. Delegattar berilgen úmitkerler tizimine biraýyzdan qoldaý bildirdi. 

Máslıhat depýtattyǵyna saılaý 28 qazan kúni ótedi. Tirkeý - 2 qazanda. 

Sonymen qatar, jıyn barysynda partııalyq baqylaý máseleleri tilge tıek etildi.