Almatyda maska shyǵaratyn óndirýshilerdiń sany artty

ALMATY. QazAqparat – Almatyda maska shyǵaratyn 6 otandyq óndirýshi paıda boldy. Bul týraly onlaın brıfıng barysynda Almaty qalasy ákimdiginiń dárilik preparattarmen qamtamasyz etý jónindegi úılestirýshisi Zańǵar Sálimbaev aıtty, dep habarlaıdy QazAqparat tilshisi.

«Ózderińiz bilesizder, kóktemde maskaǵa suranys joǵary boldy. Osyǵan oraı, Almaty qalasynda qosymsha maska shyǵaratyn iri alty otandyq óndirýshi paıda boldy. Olardyń kúndelikti 882 myń maska shyǵarýǵa múmkindigi bar. Sonymen qatar qazir qoımada 20 mln medıtsınalyq masqa saqtaýly. «SK Farmatsııa» JShS qyrkúıek aıynda qosymsha 10 mln maska satyp aldy. Qajet bolǵan jaǵdaıda ınterventsııa úshin qoldanylady»,– deıdi Zańǵar Sálimbaev.

Qaladaǵy 867 dárihananyń 95 paıyzy maskamen qamtamasyz etilgen.

«Dárihanalarǵa kúndelikti monıtorıng júrgiziledi. Barlyǵynda maska jetkilikti. Buǵan qosa, Almaty qalasynyń medıtsınalyq uıymdarynda 1,6 mln jeke qorǵaný quraly bar. Jaqynda 2,7 mln astam qural jetkiziledi. Bul másele ákimdiktiń qatań baqylaýynda»,– dep qosty spıker.