Almatyda maska rejımi qashan alynady

ALMATY. QazAqparat - Almaty qalasy sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova brıfıng barysynda megapolıste maska rejımin alý týraly suraqqa jaýap berdi, dep habarlaıdy QazAqparat tilshisi.

«Qazir Almaty qalasynyń «jasyl» aımaqta bolýy koronavırýs ınfektsııasynyń besinshi tolqynyn aıaqtadyq degendi bildirmeıdi. Bul áli de jalǵasyp jatyr. Sondyqtan búgingi kúni maska rejımin alyp tastaý máselesi qarastyrylmaǵan», - dep jaýap berdi Ásel Qalyqova.

Aıta keteıik, Almaty 27 aqpannan beri koronavırýs boıynsha «jasyl» aımaqqa aýysty.

Infektsııa juqtyrǵandar sany tómendep keledi.

Máselen, sońǵy táýlikte 68 adamnan koronavırýs anyqtaldy.

Barlyq emdelip shyǵarylǵandar – 27, kelip túskeni – 22.

Infektsııalyq statsıonarlarda 283 adam jatyr. Onyń 10 bala.

Jalpy reanımatsııa jáne qarqyndy terapııa bólimshesinde – 32 naýqas bar.