Almatyda MÁMS máseleleri boıynsha óńirlik shtab otyrysy ótti

ALMATY. QazAqparat-Medıtsınalyq saqtandyrý qorynyń qalalyq fılıaly, Qoǵamdyq densaýlyq basqarmasy, aýdandar ákimdikteri men emhana basshylarynyń qatysýymen ótken keńes barysynda bekitilgen halyqtyń derekqoryn ózektendirý jáne saqtandyrylmaǵan azamattardy qala ekonomıkasyna tartý jónindegi sharalarǵa qatysty máseleler qaraldy, dep habarlaıdy QazAqparat tilshisi.

Shtab otyrysy barysynda Erjan Babaqumarov halyqty barynsha qamtý boıynsha jumys júrgizý qajettigin atap ótti.

MÁMS júıesine qatysý sapaly jáne tolyqqandy medıtsınalyq kómek kórsetýdi qamtamasyz etedi. Áleýmettik medıtsınalyq saqtandyrý paketi sheńberinde qala turǵyndary medıtsınalyq qyzmetterdiń keńeıtilgen spektrine, onyń ishinde tegin medıtsınalyq kómektiń kepildik berilgen kóleminiń paketine kirmeıtin rásimderge qol jetkize alady.

Bar máselelerdi sheshý maqsatynda Almaty ákiminiń orynbasary Erjan Babaqumarov saqtandyrylmaǵan halyqty qala ekonomıkasyna tartý boıynsha sharalar paketin qabyldaýdy tapsyrdy.

Bul rette jumyspen qamtýdy, onyń ishinde NEET sanatyndaǵy jastardy qamtamasyz etý boıynsha memlekettik qoldaý quraldaryn keńinen paıdalaný qajet.

Aýdan ákimdikteri, Qoǵamdyq densaýlyq basqarmasy, respýblıkalyq elektrondyq densaýlyq saqtaý ortalyǵy, memlekettik kirister departamenti medıtsınalyq-sanıtarlyq alǵashqy kómekpen birlesip, ShOB sýbektileriniń tólemderdi ýaqtyly tóleýi, bekitilgen halyq tirkelimindegi derekterdi ózektendirý, saqtandyrylmaǵandardy anyqtaý jáne olardyń aǵymdaǵy áleýmettik mártebesin aıqyndaý boıynsha jumys júrgizýi tıis.

MÁMS múmkindikteri týraly aqparattyq-túsindirý jumystaryn jalǵastyrý qajet.

Qosymsha aqparatty Qoldau 24/7 qosymshasy, Saqtandyry telegramm-boty jáne fms.kz saıty arqyly alýǵa bolady. Al, saqtandyrý mártebesi bolmasa jarnalardy tóleýdi bastaý usynylady.