Almatyda MÁMS esebinen Parkınson aýrýyna shaldyqqan 70 jastaǵy qarııaǵa operatsııa jasaldy
Almaty qalalyq densaýlyq saqtaý basqarmasynyń málimetinshe, aýrýhana bazasynda Parkınson aýrýyn hırýrgııalyq jolmen emdeıtin ortalyq ashyldy. Bul jerde Parkınson aýrýyna shaldyqqan naýqastar em qabyldaıdy.
Operatsııany tájirbıeli neırohırýrg, medıtsına ǵylymdarynyń kandıdaty, bas pen julynǵa neırostımýlıatorlardy ımplanttaý boıynsha aralasýmen mamandanǵan Chıngız Shashkın júrgizedi.
«Árıne, operatsııa tolyq saýyǵyp ketýge múmkindik bermese de, osyndaı naýqastardyń ómir sapasyn edáýir jaqsartady, sebebi olardyń bulshyq etteri jumys istemeıdi. Ol úshin patsıenttiń mıyna jińishke elektrodtar jiberemiz, olar neırostımýlıatorlarmen baılanystyrylady, buǵananyń astyna keýde bóligine, teri astyna ımplanttalady. Almatyda tegin kvota boıynsha operatsııa jasalǵan alǵashqy patsıent 70 jasta, ol 8 jyl boıy osy aýrýdyń dirildeý túrinen zardap shekken. Qazaqstanda barlyǵy osyndaı 30 myń aýrý bar, olar negizinen egde jastaǵy kisiler, biraq mende 25 jastaǵy patsıent te boldy»,- deıdi dáriger.
Onyń aıtýynsha, álemde bıostımýlıatordy engizý boıynsha alǵashqy operatsııa 1987 jyly júrgizilgen, qazir neırostımýlıatsııa ádisi AQSh-ta, Eýropada, Azııada sátti qoldanylady.
Qazaqstanda alǵash ret 2013 jyly qoldanyldy, biraq áli kúnge deıin operatsııa tek astanada jáne Qaraǵandyda júrgizildi.
«Ortalyq klınıkalyq aýrýhana (Sovmın) bazasynda Parkınson aýrýyn hırýrgııalyq jolmen emdeý ortalyǵyn ashý óte durys sheshim, sebebi elimizdiń ońtústiginde halyqtyń 62%-y turady, olardyń óz óńirlerinde tegin em alý múmkindigi joq. Operatsııanyń ózi qymbat turady, endi bul operatsııa kvota boıynsha ortalyq aýrýhanada júrgiziletin bolady. Tek osy jyly biz 50 stımýlıator ornatýdy josparlap otyrmyz»,-deıdi Chıngız Shashkın.
Parkınson aýrýynyń profılaktıkasy retinde Qazaqstannyń alǵashqy fýnktsıonaldy neırohırýrgi Chıngız Shashkın salamatty ómir saltyn ustanýǵa, kóbirek qımyldaýǵa, durys tamaqtanýǵa, hobbımen aınalysýǵa keńes berdi.