Almatyda mamandandyrylǵan úsh HQO ashyldy
Ótken jyldyń sońynan bastap Almatyda «Almaty - adaldyq alańy» atty jemqorlyqqa qarsy jańa joba iske qosylǵan. Onyń maqsaty - barlyq aımaqtarda jemqorlyqty joıyp, turǵyndardyń ómirin jaıly etý.
Sondyqtan, jumystyń alǵashqy qadamy - korporatsııanyń, ıaǵnı «Azamattarǵa arnalǵan úkimet» qyzmetin jetildirý, atap aıtqanda júrgizýshi kýáligin berip, avtokólikterdi tirkeıtin memlekettik qyzmettiń provaıderine aınalǵan mamandandyrylǵan halyqqa qyzmet kórsetý ortalyǵyn ashý.
Osyǵan deıin jumys istegen eki mamandyrylǵan halyqqa qyzmet kórsetý ortalyǵy qaladaǵy jáne qala shetindegi aımaqtarǵa qyzmet kórsetip, úlken kezekter qalyptasty. Sondaı-aq, óz qyzmetin usynatyn deldaldar paıda bolǵan edi.
Endi qalada burynǵy eki HQO-dan bólek qalanyń birneshe aýdanynan taǵy úsh ortalyq ashyldy. Olardyń ereksheligi - yńǵaıly jerlerde ornalasqan.
«Endi júrgizýshi kýáligi men suranysqa ıe nómirlerdi alý úshin arnaıy deldaldarǵa júginýdiń qajeti joq. Barlyq qyzmet ornatylǵan jumys reglamentine jáne memlekettik standartqa sáıkes qujattarmen júrgiziledi», - deıdi jobalaý keńsesiniń basshysy Aleksandr Bratenkov.
Elaman Turysbekov