Almatyda Magnum-nyń 7 sýpermarketi tonaldy
«Jeti dúken tolyǵymen tonaldy. Sonymen qatar taǵy 7 dúkenge shabýyl jasalyp, jartylaı zardap shekti. Ókinishke oraı osydan keıin esh baılanys bolmaı tur», - dedi Magnum kompanııasynyń PR-menedjeri Dmıtrıı Shıshkın.
Onyń atap ótýinshe, bul 6 qańtar kúni tańǵy saǵat 4-te Almatydaǵy tonaýlardan keıin qolǵa túsken barlyq aqparat. Kelgen shyǵyn áli eseptelinbegen. Almatydaǵy kompanııanyń barlyq dúkenderi jabyq.
Al kompanııanyń astanadaǵy sýpermarketteri shtattyq rejımde jumys istep tur.
«Barlyǵy jumys isteýi úshin tyrysyp jatyrmyz. Termınaldarǵa qatysty túsiniksiz jaıt oryl alýda. Baılanys birde bolyp, birde bolmaı tur. Adamdar múmkindiginshe qolma-qol aqshamen kelgeni jón», - dedi Dmıtrıı Shıshkın.
Magnum jelisiniń Qazaqstan boıynsha 184 dúkeni bar. Eń kóbi Almaty (50-den astam) men Nur-Sultan (40-tan astam) qalalarynda ornalasqan.